《汤圆皇后》

　　男：捞到街边叫卖汤圆，我往日有屋有良田，为好嫖又好赌呢搞到冇时掂，败晒身家赊借无门捱穷半年。

　　（白：好彩天冇绝人之路，我嘅好老婆救番我。）

　　女：夫君不必怨地呼天，过去就算咗，咪念从前，尽你劳力去搵，天会从人愿，立正心肝改过定然成为圣贤。

　　（白：总之你肯发奋做人，将来一定有好日子过嘅。）

　　男：（白：老婆，你系得嘅。从前我咁对你唔住，难得你一啲都唔嫐我。一切一切都原谅我，唉，想起上嚟，真系令我无地自容咯。）

　　女：（白：嘻，做夫妻如唔了解，点过得一世埋啊？以前嘅嘢唔好提嘞，嗱，嘀起心肝卖汤圆罢啦。）

　　男：嘀起心肝叫卖汤圆，汤圆够滑够香有咸甜，用正材料靓粉，香夹滑溜，吃过梗返点，你吃完咸再吃甜。

　　（白：喂，呢位老友，吃咸嘎？呢位大姑呢？甜嘅啦？）

　　女：做人实在要服汤圆，有阵要扁有阵时圆，仲要内心一片是良善，又要知悭识节俭时常要剩钱。

　　男：（白：好，一于听晒老婆话。）

　　女：（白：系啰，咁样做人至啱咯嘛。）